Joriy yilning 22-23 yanvar kunlari Xitoy Xalq Respublikasida O‘zbekiston-Xitoy 1-Rektorlar forumi o‘z ishini boshladi. Unda Islom Karimov nomidagi Toshkent davlat texnika universiteti rektori akademik S.M.Turabdjanov rahbarligidagi delegatsiya a’zolari ham ishtirok etmoqda va Xitoy Xalq Respublikasining qator yetakchi oliy ta’lim muassasalari bilan hamkorlik aloqalari yo‘lga qo‘yildi.
      Forum doirasida turli sohalarda kooperasion seksiyalar tashkil etildi hamda muhandislik sohasida ikki tomon oliy ta’lim muassasalri rektorlarining sessiyasida universitet rektori akademik S.M.Turabdjanov o‘z ma’ruzasi bilan ishtirok etdi.
   Jumladan, forumning birinchi kuni doirasida Sian transport universiteti va Harbin texnologiyalari universitetlari bilan qo‘shma ta’lim, hamkorlikda ilmiy loyihalar, qo‘shma laboratoriyalar tashkil etish, professor-o‘qituvchilar hamda talabalar stajirovkalarini amalga oshirish bo‘yicha aniq maqsadli ko‘rsatkichlar asosida yo‘l xaritasi va memorandumlar imzolandi. Shuningdek, akademik S.M.Turabdjanov rahbarligidagi delegatsiya a’zolari tomonidan Shimoli-g‘arbiy politexnika universiteti, Shimoliy Xitoy texnologiyalari universiteti, Landjou transport universiteti, Tyanzin fan va texnologiyalar universiteti, Beixang universiteti kabi oliy ta’lim muassasalari bilan kelgusidagi hamkorlik aloqalari va investitsion loyihalar to‘g‘risida kelishib olindi. 

 TDTU Matbuot xizmati: 
 Universitet Xalqaro hamkorlik bo’limi: