Nanjing universiteti delegatsiyasi bilan uchrashuv o'tkazildi
Joriy yilning 15-iyul kuni Toshkent davlat texnika universiteti rektori, akademik Sadritdin Turabdjanov tomonidan Nanjing universiteti XKP qo’mitasi kotibi, akademik TAN Tieniy boshchiligidagi delegatsiya qabul qilindi.
Nanjing universiteti Xitoyning eng yetakchi universitetlari qatoriga kiradi va QS reytingida #141-o’rin va THE reytingida #73-o’rinni egallagan.
Xitoy delegatsiyaning tashrifidan asosiy maqsad akademik hamkorlikni rivojlantirish, potensial hamkorlik imkoniyatlarini o’rganish va universitetlar o’rtasidagi aloqalarini kuchaytirishdan iborat.
Tashrif davomida har ikkala universitetning vakillari o’zlarining akademik dasturlari va tadqiqotlari haqida ma’lumotlar bilan almashishdi.
Nanjing universiteti delegatsiyasining TDTUga tashrif davomida foydali va samarali muzokaralar olib borildi hamda universitetlar o’rtasida kelgusida amalga oshirilishi zarur bo’lgan rejalar kelishib olindi.
